23/08/2008
kala soo xiriir webmaster@falaar.com

Shiikh Shariif Shiikh Axme hala sugo ee yaan Go'aano fudud la iaka qaadan soomaaliyeey Walaalayaal.

Walaal waxaan aqristay maqaal ku soo baxey website-kiina taariikhdu markey aheyd 20/08/08, ciwaankiisuna uu ahaa: Usheega Sheekh Shariif! "Diinkeyga anigaan ku gaden, dabaqi naareede".

Waxaana jecleestey in aad wax idinka iraahdo. Marka hore waad ku mahadsantihiin qoraalka naqdiga ah, laakiin waxaa wanaagsan in aanan qofka muslinka ah aanan lagu xad gudbin sharaftiisa, ugu maba sii jirto hadii qofka aad ka hadleesaan uu yahey hogaamiyihii ugu sareeyey halgamaayaasha Soomaali waqtiga aynu joogno: Allaha dhowro Sheikh Shariif Sh. Axmed.

Waxaan oran lahaa walaalkey qoraaga maqaalkaan (Yaasiin Bayxan Cali): walaal ha degdegin, nin iibsadey danta Soomaaliyeed ma jiro, raga heshiiskaan u dhaqaaqey uu ugu horeeyo Sh. Shariif Sh. Axmed waxa ay wadaan waa dadaal sidii ay ummadaan soomaali dhibaatada heysata ay uga qaadi lahaayeen (Allaha ku guuleeyo). Mideeda kale hadeynu nahey Soomaali waxeynu ummadaha kale aynu uga harney waa dagdaga iyo go'aanka aynu sida fudud u qaadano.

Waxaan ku soo gaba gabeen laha inta aan Sh. Shariif lagu tuhmin khiyaano bal marka hore hala siiyo mudo 4 bilood ah, ka dib aynu aragno hadii dalkeeno hooyo uu cadawga looga saaro wada hadal iyo in kale. Waad mahadsan tihiin. Wixi soo jeedin ah waa ay furan tahey, mar kale salaan ayaan idiin dhaafey bahda Falaar.Com Macasalaama.

Ali yarow
(aliyarow@hotmail.co.uk)

Xafiiska Wararka
falaar.com
falaar.com@hotmail.com

© Arrow Online.com 2008 ®