Shacbiga Maxamed Dheere,Cabdifitaax Shaaweeye iyo saaxiibbadood Dooranayaa waa ku weee? ( Faallo)

Marka la eego dhibaatooyinka xasuuqa,xaq darrada iyo xaasidnimada ku dhisan ee maamulkii uu madaxda ka ahaa Maxamed Cumar Xabaab(Maxamed Dheere) ay u gaysteen shacbigii Soomaaliyeed ee isaga iyo saaxiibadiis ka hor ku noolaa Magaalada Muqdisho iyo deegaannada hoos yimaada waxaa xaqiiqo ah in waqtigaan tiro aan la soo koobi karin ay kala noqdeen kuwo ciidda ka hoos maray dhimasho ka dib. Kuwo si xun loo jir dilay.kuwo naafo iyo dhaawac halis ah la kala il daran,kuwo qaxooti ku kala ah dalka gudihiisa iyo dibaddiisa,kuwo nolol xumo dhaqaale,deegaan iyo hoy la,aan la dhibaataysan,kuwo badaha ku harqaday,kuwo waxbarasho iyo mustaqbal kalaba beelay,kuwo shaqooyinkoodii ay bur bureen iyo kuwo Xabsiyo beeneedyo si xaq darro ah wali ugu jira.

Marka la qiimeeyo hadallada Maxamed Cumar Xabaab(Maxamed Dheere) iyo Cabdifitaax Ibraahin Shaaweeye ee ah in ay wax u qabteen shacbiga Soomaaliyeed ee reer Muqdisho ,waa kuwee shacbigaasi xagayse joogaan ,ma mooryaanta ay dadkii Soomaaliyeed laaya ku oron jireenbaa.ma Mooryaanta isbaarooyinka shacbiga sida aadka ah loogu dhibaatooyo ay u dhigeenbaa sida dhaca .dilka,kufsiga ,qafaalka iyo hagar daamooyinka kale fulintooda ugaga amar qaadan jiraybaa,ma afar afarta maleeshooyinka ay isku habta yihiin ee waariyaysaa ,ma Cabdullaahi yuusuf iyo Cali Maxamed Geeddibaa? Mise waa Ciidamada Gumaysatada Ethiopia ee dalka Xoogga iyo xaqdarada ku soo galay xasuuqa taariikhdu ay xusi doontana u gaystay walina u gaysanaya shacbiga Soomaaliyeed ee aan waxba galabsanbaa?

Marka lays dhinac dhigo dhibaatooyinka ay ciqaabtoodu aaqiro iyo adduunba dabo joogi doona oo ay gaysteen Maxamed Dheere,Cabdifitaax Ibraahin Shaaweeye iyo saaxiibadood iyo hadalladooda ah in ay dooran doonaan shacbiga Soomaaliyeed oo qiimeeynaya waxyaabihii ay u qabteen iyo xaqiiqda jirta waxaa lagu matali karaa mahmaahyooyinka Soomaaliyeed ee ay ka midka yihiin: Tuug sankiisa ayuu buur moodaa.Umuli illoowiyo dhawaa.naduub fale waa hilmaamaa ,mase hilmaamo danuub lagu fale

Hadalladii Maxamed Dheere uu ku muujin jiray sida uu u amrayo raaligana uga yahay in dadka Soomaaliyeed ee Muqdisho dhinackasta loo dhibaateeyo waa hadallo wali ku kala duuban qalabka wax kaydiya ee Saxaafadda.kan tariikh dhaxdooyin kaydiyayaasha iyo maskaxda dad badanba.

Dhinaca kale marka uu Maxmaed Dheere leeyahay anigu waxba dambi ma galin dadna ma laynin oo waxaan ahaa Munashiibiyo waxaana wax laayay Baarlamaankii Ciidamada Ethiopia keeniddooda ansixiyay iyo ciidamadii amarkaasi laynta ah fuliyay ma runtiisbaa? ,mise waa been xaqiiqda aad ugaga fog xaaraanna ah ,tan kalana in hadalkaasi uu dhibaatooyinka uu galay uu ka difaaci doono run ahaan ma sidaasi uyuu aamin san yahay mise waa dheel dheel iyo digasho uu ku diganayo shacbiga Soomaaliyeed?

Guntii gunaanadka Faallada waxaan ku leenahay ciddii cimri ku simo way arki doontaa cidda Maxamed Dheere,Cabdifitaax Shaaweeye iyo saaxiibbadoodii maamulkii Gobolka Banaadir wixii ay ka qabteen ku dooran doonta kuwa ay yihiin iyo halka uu Maxamed Dheere ka keeni doono Abuukaatayaasha u horseedi doona in dambiyadii uu ka galay dadka Soomaaliyeed gaar ahan kuwa reer muqdisha uu bari ka yahay.

Xafiiska Wararka
falaar.com
falaar.com@hotmail.com