Wararka naga soo gaaraya magaaladda Gaalkacyo ee xarunta gobolka Mudug ayaa sheegaya in lagu guuleystay in lakala qaado maleeshiyaad isku horfadhiyay duleedka magaaladaas.

Shacabka magaaladda ayaa cabsi weyn ka qabay in Puntland iyo Galmudug ay mar kale dagaalamaan, kadib markii maleeshiyaad hubeysan ay dhawaan ku dirireen duledka magaaladda ayna mudo is horfadhiyeen.

Laakiin odayaasha dhaqanka oo kaashanaya maamulada Puntland iyo Galmudug ee magaaladda Gaalkacyo ayaa ku guuleystay iney kala qaadaan ciidamadaas.

“Waxaan ku guuleysanay inaan kala qaadno ciidamada oo mudo is horfadhiyay”sidaas waxaa xaqiijiyay Suldaan C.Naasir Jaamac Seed oo kamid ah waxgaradka magaaladda.

Sidoo kale, waxgaradka labada maamul ayaa bilaabay iney ka xaajoodaan dad ay iska dileen labada dhinac oo beel ahaan iyo dhaqan lagu xaliyo si dagaal looga hortago.

HOME