---

Qeybtii 9-aad

ALLAA WATOO WEHEL UMA BAAHNA

Waxaa la yiri diinku waagii hore ma laheyn qolofta adag ee uu dusha ku leeyahay. Wuxuu ahaa hilib soconaya oo dusha xayaabo ku leh, maalin baa Shimbiruhu u heshiiyeen inay cunaan hilibkaas fiican ee jilicsan. Diinkii baa loo soo digay "Waar shibirihii baa kuu heshiiyeee dhuumo oo isqari". Wuxuu ku tiraabay: "sow halkay iigu shawrayeen. Ilahaayey ma joogin?" waxaa lagu yiri, "Ilaahay meel walba waa joogaa" haddaba ka xil la'aada wax aan ka baqayaa ma jiro, maxaa yeelay Ilaahey isagaa yaqaan sida uu ii ilaalinayo. Naftaydaan aaminsanahay, Ilaahayna waan ku kalsoonahay taladiisana wax lalama simo". Ayuu yiri diinkii.

Shimbirihii oo koox-koox u wada socda ayaa diinkii soo weeraray ayaandaradooda waxay u yimaadeen diinkii oo qolof adag eebbbe ku dahaaray, kumase qancin ee qoloftii bay afkoodii fiiqnaa la dheceen oo is yiraahdeen ka dhex dusiya. Waxaase ka raacday mahadho weyn iyo waxaan laga soo waaqsan, halkii ay ka heegayeen inay ku shimbiro waaqleeyaan oo ay cunaan, ayaa shibir waliba afkii soo laabmay isagana korkii baa ka buus-buusmay.

WEYDIIMO

5. Shimbiruhu maxay ku heshiiyeen? Waayo
6. waa maxay shimbiro waaqlaysku?
7. diinka maxaa nabadgalyeeyey, maxaase u sabab ahaa?
8. dulucda sheekadu waa maxay?

MAAH-MAAHYO

4. Allaa watee wehel uma baahna
5. hunguri wadkii ma arko
6. nin Ilaah leh looma dar-daar weriyo.

Halxiraale

Addimo goroyo ma jeenyaa mise waa lugo?

KABACALAF IYO HURYO

Waxaa laga yaabaa in aad akhristay ama aad maqashay sheekooyin badan oo ku saabsan kabacalaf iyo huryo, waxay u badan yihiin sheekooyinkoodu sheekooyin xeelad iyo khiyaamooyin ay ku dheehanyihiin oo qosol badan. Sida aan sheeko ku helay waxaa la yiri beribaa huryo iyo kabacalaf oo isqaba waxay la daganaayeen reero meel miyi ah ku nool, xilligu jiilaal buu ahaa cunto iyo biyo yarina deegaanka way ka jirtay oo macluul daran ayaa jirtay, maalin maalmaha ka mid ah ayaa waxaa neef qashay reer huryo iyo kabacalaf ay deris aad isugu dhow ahaayeen,

kabacalaf iyo huryo yididiilo iyo damac ayaa galay, niyadana way ka faraxsanaayeen waxayna rajaynayeen in neefkaas wax uun looga soo hadiyeyn doono, hase yeeshee reerkii intay neefkii oddkac ka dhigteen oo ay qumbo ku shubteen ayey shibtooda galeen, arrintaa kabacalaf iyo huryo aad bay uga xuaamdeen., waxayna ku tashadeen in ay si xeelad ah uga xadfaan Hilibkaas ay keydsadeen reerka, iyaga oo aan la dareemin wuxuuna ku yiri kabacalaf Huryo intaan iska dhigo wax ku dilaya
ayaan been been labo ulood kugu dhufanayaaye intaad is oohiso iga carar oo reerka gurogooda gal oo noo soo shub hilibka iyo subagga, sidii ay ku heshiiyeen ayuu yeelay iyagoo is cayrsanaya ayey reerkii deriska isla galeen, waxayna reerkii deriska ahaa bilaabeen in ay kala celiyaan iyagoo qab-qabanaya kabacalaf, ugu dambeyntiina huryo waxay gashay gurigii reerka, waxayna bujisay Qumbihii subagga ahaa markay is tiri shubo waxay ogaatay In uu xarkagay oo uu fadhiyo arrintaas aad bay uga xuaamtay reerkuna dareemin waxayna tiri iyadoo is oohineysa cod-cod ina ciidoole casiiskaan ku dhaartaye car bal gacantaada ii celi, haddii aad carrab iyo labo daan oo dambe isu celiso, kabacalaf oo fahmay u jeedada huryo ayaa isagana uga jawaabay iyagoon deriskiina garan dulucda, wuxuuna ku yiri rux rux ina reexaan rudo Rabigaan ku dhaartaye hadii aadan rabshada iga deyn haddaan rubadda kaa goyn, reerkiina waxay leeyihiin waryaa kabacalaf sheydaanka iska naar oo is deji, huryana intay sidii kabacalf u sheegay yeeshay ayey soo shubatay Hilibkii iyo subagii oo isdhexguuraya sidaa ayey muraadkoodii ku qunsadeen iyagoon la dareemin.

Qeytbtii 8-aad halkaan ka Aqriso

Lasoco Qeybta Xigta todobaadka Danbe ama Arbacada Danbe

Fiirio Gaar ah:

Waxaa Qorey Cabdulqaadir Nuur Xuseen (Maax)
Wixii talo ama fikrad ah oo la xiriira Buugyarahan
waxaad igala soo xiriiri kartaan Cinwaankayga ah:
E-Mail: cabdiqadirnur@hotmail.com
Tel:00 2522-4150 622