SADDEX SANO OO SAXARIIR AH (2012-215)(Riix) 15.09..2015
Waa laga Maarmaan Xiligaan Posto Rosso (Bashqadii Guduudneyd)(Riix) 11.09..2015
Guryo Noqoshadaydii Muqdisho(Riix) 02.09..2015
HOWL NINKEEDII HADAAFOW YAHAY YAA HORMARIN KARA??(Riix) 25.08..2015
23/07/2017
kala soo xiriir webmaster@falaar.com

Xildhibaan Dhaliilay Go’aankii ay soo saareen Hay’addaha Amniga

 


Xildhibaan Mahad Salad, ayaa si kulul u weeraray hadalkii xalay sida wadajirka ah uga soo yeeray Taliyaha Nabad Suggida C/laahi Maxamed Cali Sanbaloolshe, Wasiirka amniga iyo sidoo kale Taliyaha ciidanka Booliska.

Qoraal uu soo dhigay Bantiisa Facebooka ayuu ku sheegay in hadalkii Hay’addaha Amniga uu ahaa hanjabaad.
Qoraalka Xildhibaan Mahad Salad ayaa u qornaa sidan.

Wasiirka Amniga, Taliyaha Hay’ada NISA iyo Taliyaha Booliska waxa ay sheegeen inay ogyihiin Ganacsatada lacagta siisa Alshabaab. Ayna tilaabo sharci ah ka qaadayaan. Mid midna loogu yeeri doono ganacsatadaas!


Hadaba waxaa iga su’aal ah: lacagta la siiyay Al-Shabaab hadii Xukuumadda iyo laamaha amniga ogaadeen, maxay u ogaan waayeen kuwa Shabaabka ah ee canshuurtaas baadda ah ka qaadaya ganacsatada iyo kuwa isku qarxinaya Shacabka masaakiinta ah ee aan waxba galabsan?!

Amniga inla sugo Al-Shabaabna xididada loo siibo waan soo dhaweynaynaa, waanan kala shaqeynaynaa Xukuumadda iyo Hay’adaha Amniga laakiin marnaba sax ilama ahan in ganacsatada reer Mogadisho ee canshuurtoodu Dowlada Federaalka ah ku nooshahay in loogu abaal gudo handadaad, been iyo Propaganda hantidooda iyo sumcadooda lagu burburinayo.

Sidoo kale haddii ay soo baxaan arimo sidaan oo kale ah si Hay’adaha Dowlada iskaga kaashaadan loona helo sharciyad cadowgana lagula dagaalamo Dadka Shacabka ahna aan xuquuqdooda loogu xadgudbin waa in Xukuumadu soo sameysaa Hindise Sharciyeed kadibna laga ansixiyaa Goleyaasha Barlamaanka.

DALKAANA LAGUMA MAAMULI KARO WAREEGTO IYO WARSAXAAFADEED EE WAA IN XUKUUMADU LA TIMAADAA QORSHE DHAMAYSTIRAN OO AMNIGA WAX LOOGA QABANAYO!

HOME

kala soo xiriir
webmaster@falaar.com
Xafiiska Wararka
www.falaar.com

kala soo xiriir
webmaster@falaar.com

falaar1@hotmail.com
falaar.com@hotmail.com

Falaar.com 2008 © Arrow Online.com 2013®