---

Qeybtii 11-aad

WARAABOW SIDEE LAGUU RARAA?

Waxaa la yiri beribaa nin door ahaa oo caqli badnaa, ase wiilkiisa ku hubay nacasnimo ayaa isagoo oo hilib meel madal weyn ah ku qeybinaya ayaa waxaa goobtii yimid wiilkiisii doqonka ahaa dabadeed ayuu doaygii hilibka qaybinayey waxa uu damcay in uu si xeelad ku jirto wiilkiisa ugu cad gooyo iyada oo aanay dareemin raga kale ee raqada dul jooga, dabadeedna cad shilis ah oo aan loo quureen ayuu carada ugu tuuray isaga oo nacabkiisa yasis u muujinaya, si aan loo dareemin in uu wiilkiisa siinayo cad wanaagsan, wuxuuna ku yiri waxbayahaw cadkaas qaado,
damanihii lama garan abihiis sarbeebta ee af labadii ayuu qeyliyey
isaga oo leh sideen yeelayaa cadkaan carada lagu tuuray, rag
awalba cadka quuri la’aa oo indhaha ku hayey ayaa markiiba qaatay, odaygii waxa uu ku ctaabay isaga oo ka xun sida uu xeelada wiilkiisa ula garan waayey ilaan doqoni calaf maleh, soomaaliduna waxay tiraahdaa oo ay ku maah-maahdaa doqon sadex sababoodba ha ula degin,
1. Dooc (Aftahanimo) kaama kaabto,
2. Dagaal wax kuuma tarto. 3- Dabna kuuma shido.

ISLAAN DAYRO BADAN IYO TUUG.

Waxaa la yiri beri baa islaan waayeel ah oo dayro badan ayaa waxa habeen u soo dhacay tuug. Oo wixii uu heli karay ee guriga yaalay horay gacanta ugu sii qabsaday, islaantii markay aragtay tuugii oo sii baxaya ayey qeylo afka furatay, dadkii deriska ahaa ayaa jug ku soo yiri, oo aqalkeedii isugu soo uruuray, markii ay weydiiyeen waxa ku dhacayna waxay tiri islaantii tuug ayaa ii soo dhacay oo toban koombo oo aan badar ka heystay ayuu labaatan koombo ka miistay, dadkii meesha isugu yimid ayaa ka yaxyaxay dayrada badan ee habarta, waxayna is yiraahdeen sidee baa toban koombo looga misaan karaa labaatan koombo?!

NIN CAANO IIBIYA

Waxaa la yiri beri baa nin wuxuu dhaqan iyo caado ka dhigtay in marka uu caano suuqa u soo qaadayo in uu ku soo daro xig biyo ah si caanuhu u bataan, maalim maalmaha ka mid ah, isaga oo fadhiya suuqii oo caanihii gadaya ayaa waxaa uu timid islaan caano doon ah, waxayna ninkii ku tiri adeer fur bal caanaha saafi ma yihiin? Caanaha biyaha lagu soo darana waxaa caado u ah markay xoogaa yaalaan in ay kala fariistaan, oo biyuhu soo kor maraan, si uu taas uga qariyo odaygu islaanta ayaa waxaa uu ku fekeray in uu khiyaameeyo islaanta si aanay u dareemin, wuxuuna u bilaabay sheeko oo waxaa uu ku yiri maandhay caanahan waa saafi waana kuwo lagu soo dhibtooday oo xitaa caruurtii laga soo af qabtay, wiil aan dhalay ayaa waxa uu yiri saaka markaan soo qaadayey aabe caanaha I kabisii, markaasaan ku iri orod waryaa hooyadaa caano u doono kuwaan suuqa ayaa loo wadaaye, markaan iska kari waayay ayaa intaan haantii horay iyo dabo qabtay ku iri Ilaahow yaa sanka kaga dhufta, (shugux shugux,) waryaa soo kuma dhihin hooyadaa caano u doono, markaasuu intuu furay haantii islaantii ku yiri adeer iska fiiri caanaha waa sidii loo soo lisaye oo wax ceeb ah maleh.

FAQIIR IYO TANAAD

Bari baa nin iska socda wuxuu uyimid nin jidka dhexdiisa jilba jabsan oo beerkana heysta aad buu unaxey markii uu arkey wuuna usoo dhawaadey wuxuuna kuyiri isagoo yaaban maxaa kugu dhacey wuxuu ugu jawaabey beerka ayeey gaajo iga heysaa,sadex barina wax macunin,ninkii ayaa intuu kanaxey wuxuu kuyiri ninyahow anigu hada waxba mahayee nin saaxiibkey ah ayaan wax kaaga doonayaa ee isii sug .ninkii safarka ahaa wuu tagey wuxuuna gaarey ninkii saaxiibkii ahaa ,si uu ninkii gaajadu heysey wax uu cuno uga soo qaado nasiib daro wuxuu utagey ninkii hodanka ahaa oo isaganajilbaha dhulka uyaalaan oo caloosha heysta ninkii yaab iyo tacajab ayaa ilaahey u keenay intuu usoo dhawaadey saaxiibkiis ayuu isagoo naxsan kuyiri war adigana maxaa kugu dhacey ? wuxuu kuyiri ninkii caloosha heystey xaley baan cuntadii iska badiyoo calooshey iga qabatey !!ninkii yaab iyo amakaag ayaa ilaahey ukeenay wuxuuna ku yiri hadii cuntada aad iska badisey ee caloosha kaa qabatey aad wax kasiin laheyd ninkii aan soo arkaye ee caloosha gajadu kaqabatey labadiinuba caloosha idinma xanunteen !! ,
Qeytbtii 10-aad halkaan ka Aqriso

Lasoco Qeybta Xigta todobaadka Danbe ama Arbacada Danbe

Fiirio Gaar ah:

Waxaa Qorey Cabdulqaadir Nuur Xuseen (Maax)
Wixii talo ama fikrad ah oo la xiriira Buugyarahan
waxaad igala soo xiriiri kartaan Cinwaankayga ah:
E-Mail: cabdiqadirnur@hotmail.com
Tel:00 2522-4150 622