Wax sahlan ma ahan in la waayo nabad iyo kala danbeyn la,aan Amni daro Xasiloon daro Collaad aan heshiis laheyn, waxaana maraynaa sanadkii 20 aad oo aan dhihi karo wiilkii la dhalay dagaalkii USCda ayaa hada wiil loo dhalay.

Qoraalo badan,iyo Riwaayado heeso kala duwan oo ka hadlaya nabad la,aanta Dalkeena ku habsatay ayaa Abwaano fara badan ka sameeyeen balse illaa hadana aan jirin wax ifafaalo ama raad nabadeed oo noosoo muuqata.

Waxaa nasiib daro ah anagoo haysano wadan wax soo saar beri iyo bad ba’leh hanan weynay, kuna heshii la’nahay weliba kuwiiyoo isu Af isku Diin ah, Alla maxaa Nalaga faaideystay.

Aad ayaan uga Xumahay runti mar hadii aan marayno sanadkii 20 aad oo ay xaalada ka sii darayso hada waaba meeshii uga darneyd oo waxaad arkeysaa Culimo Qur’aanka iyo Axaadiista kuu daliilinayo oo is dillaya,oo aan kala ganbaneynin oo dhiig iska daadinaya …… intaas aan uga gudbo.

Mar ayaaba waxaad is leedahay dadka isku haysta Siyaasada Soomaaliya maba u dhalan wadankan oo meelo kale ayey ka yimaadeen ka damqasha la,aanta dadkooda iyo dalkooda Awgeed,

Shacabku waa kuwa uga daran oo wax yeelada ka soo gaarta marka dirirta ka dhacdo dalkeena waayo iyaga ayaa dhiig ka daataa oo madaafiic hawaaw ah ku habsadaan kuwa aan waxba galabsan.

Maalmahan waxaa aad usii badanaya dhibaatada shacabka soo gaaraysa dhibaatada runtii aniga mar mar ayaan iska Ilmeeyaa oo si aad ah u murgooda,kawaran hadii aan ku dhaho Muqdisho maanta waxaa ka furan hal wado oo dadku magaalada aadaya ay maraan oo wadooyinkii oo dhan waa xiran yihiin oo waxaa ka soo wada baxay Geed Yahuud Ama {CALI GAROOB} oo sanadahan danbe fara ba,an ku haya Somalida waa Geed si sahlan ku baxa oo aad u Odxa badan oo fididiisa Bilooyin yar ah, kaas ayaa Wadooyinkii Quruxda badnaa ka wada baxay.

Wadada furan ayaa ah mida Dabka keliya iyadiina ma sahlana marideeda oo waxaa wada is ticmaala dhamaan Baabuurta Blka,kuwa Xamuulka qaada oo Dekeda ka shaqeeya oo runtii si aad ah Ciriiri u noqotay wayadan danbe maadaama ay marin u noqotay dhamaan shacabkii oo dhan,hada laakiin iyadiina waa la xiray oo waxaa wado ah xaafadaha dhexdooda sida xaafadaha Degmada Hodan kuwaas oo iyaga xitaa aad u Go’go’an Roobabka ayaa jar jaray Geed yahuudkana aad ayuu uga baxay.

Hadaba sidee u maleynaysaa Wadan dhan oo wadooyinkii la isku mari lahaa wada xiran?, Wadooyinka xiran waxaa ka mida ah Wadadii sodanka oo magaalada dhan ku kala socotay, waxaa kaloo xiran isgoysyadii waa weynaa Tarbuunka,wadada wadnaha kii Siinaay oo hada Dagaaladii uga danbeeyay ku xirmay.

Hadaba ka waran Sidee dareemaysaa hadii aad mawaadin dhab ah tahay waxaaba kaaga sii daran in aadan ka had hadli Karin dhibaatooyinka ka jira wadankeena oo aad qof tilmaaman noqoneyso hadii aad sheeg sheegto arimahan oo dhan, iska dhaaf tani waxaan arkay Qashin aad u soo Qurmay oo yaaala meel wado ah oo xaafadaha Magaalada Muqdisho ka mid ah markii aan u kuurgalay sababta loo fiirsanayo oo loo qaadi la,yahayna waxaa la igu yiri dad ayuu meesha u yaalaa oo iyaga in ay qaadaan ma ahee qof kale ma qaadi karo,

Dhibka intan kuma koobna oo waxaa la yiri Aduunyo waa Sheeko Iyo Shaahid, waxaa kaloo iga yaabisay oo aan sina u ilaabi doonin dhacdo xusuusta maskaxdayda kusoo maaxata markasta, Oday Xaafadeena ayaa dhintay Qabrigiisa waxaa laga Qoday (13) Ex qabuurihii Macalin Nuur oo illaa hada dadka lagu Aaso,

waxana qabsatay anagoo Maydkii wadno in wadadii la xiray waa wadada Ex control ayna xireen Ciidamada AMSOM ee Brundiga oo Habeenki maalintaas ka horeysay la weeraray, Layaab Meydkii qabrigiisa waa Qodan yahay meeshii waa xiran tahay arintu ayaa aad u cakirantay waxaan taagneyn uga yaraan [4] Afar saac waxaana isugu jirnay dad badan oo shaqadii ka baaqatay oo xayirmay.

Rajo ka qabida in la helo nabad ma soo muuqato waxaadna arkeysaa in markasto oo la fariisto oo la wada hadlo in koox Cusub soo baxayso oo laga hor imanayo madaxweynihii la doorto (SOOMAALIYEY MAS’UUL IYO MUDANIHII LA DOORTABA MAYA HADAAD TIRAAHDAAN DALKA MAAMULKIISA MA MALAAIG SOCOTAA MADAX LOOGA DHIGAYAA?)

Abwaan Sangub waxa uu Alifay Riwaayadi aheyd XUUD BAA LIKHAY JACEYLKi, balse hada aniga waxaan u badalayaa XUUD BAA LIKHAY NABADI,oo aan jeclahay in dhowaan ka sameeyo riwaayad ka turjumeysa arimahan.

Waayo ma jirto wax rajo ah oo helitaan nabad ah oo noo muuqda mana uma maleynayo in dalkaan ka baxayo dhibaatada illaa la hakiyo ganacsiga xorta ah oo aan jirin cid ka naxeyso umadan oo qofkasta eeganayo danihiisa gaarka ah.

By Asad Abukar Cali (Asad Yare)
E-mail. asadyarencc@hotmail.com