Masuuliyiin Soomaaliya iyo dunidaba caan ka ah oo isku khilaafay waxa laga yeelayo dadka Soomaaliyeed ee baaba . war bixin la xariirta hab dhaqanka Dowladda Liibiya (Faallo)(Riix halkaan)
Kuwa Soomaalinimadii Hawiyinimo ka doortey?!!!.(Riix halkaan)
Shiikh Shariif Shiikh Axmed, hala sugo(Riix halkaan)
58 qof oo Ciidamada Ethiopia ay shalay xasuuqeen(Riix halkaan)
Ma`ooyey Markaan Xorownay? (Faallo)(Riix halkaan)
Kuwa Soomaalinimadii Ka Doortay Isaaqnimo(Riix halkaan)
Kooxda Mbagathi & Kadeedka Ummadda(Riix halkaan)
Caruurta laga xado Soomaaliya oo la geeyo Adis(Riix halkaan)
Somaliya Maanta Heerka Ay Taaganthay!!!(Aragti)(Riix halkaan)
kuwee Dooranayaa M Dheere,C/taax (Faallo)(Riix halkaan)
Guud Mar Dagaaladi Sokeeye ee Somaliya.(Aragti)(Riix halkaan)
Mareykanka oo dano gaara ah ka leh Soomaaliya(Riix halkaan)
Goormuu Oday noqday C/llahi bal calaamada Illaahay?(Riix)
Shariifow ama Mudulood ahoow ama Muslim ahoow (Riix)
06/01/2009
kala soo xiriir webmaster@falaar.com

Mahadsanid marwo

Maqaalkan waxa uu maskaxdeyda ku soo dhacay maalin aan ka qeybgalay munaasabad marwooyin soomaaliyeed ay soo qaban qaabiyeen , taasoo looga hadlayay qarash ay u soo uruuriyeen masjid laga dhisayay Muqdisho.

Waxaa hubaal ah in maalmahaan uu aad u socdo dhaq dhaqaaqa marwooyinka Soomaaliyeed ay ku saacidayaan dadka liita , siia dumarka jooga qurbaha .

Mar aan u kuurgalay arrintan oo baaritaan dheer aan ku sameeyay waxtarka haweenka ayaa waxaan ku ogaaay lacagaha laga soo diro dibadda ay 80% ay soo diraan haweenka , waayo haweenka aad bey uga jilicsan yihiin ragga .

Oday aan deris nahay ayaa waxaa dibadda u jira shan wiil iyo hal gabar , markastoo aan arka waxay ishedu qabataa isagoo si gaar ah ugu duceynaya gabadha , sababta mar aan weydiiyay wuxuu ii sheegay in gabdhiisa ay tahay mid xaaladiisa si gaar ah uga warqabta oo uga fikirta , waxaana uu sheegay in bil waliba 30-keeda looga yeero shirkadaha xawaaladaha midkood oo uu halkaasi ka qaato biilka lacageed ee ay soo dirto , balse wiilasha ay lacagta soo gaarsiiyaan bil waliba 10-keeda , iyagoo isku weydaarinaya qaab dirista lacagta oo mid mid uu bil waliba u soo diro .

Odayga ayaa waxa uu yiri “ gabar iyo wiil maxaa isku dhow , allah ii dhaafo gabadheyda” sidaa ayuu hadalkiisa ku soo gunaanaday .

Arrintan ayaa waxaad ku ogaan kartaa waxtar-ka dumarka , waayo shan wiil ayaa hal gabar uga wanaagsanaatay aabihii wada dhalay , kadib markii ay kasbatay ducadiisa , soona jiidatay , waxaana odayga uu u duceeyaa maalin waliba gabadhiisa .

Marwooy waxaad mudan tahay inaan ku amaano.

Waayo dalkeena burburay 19-kii sano ee ugu dambeeyay , ragga waxba maaney qaban , haweenkuna waxay noqdeen tiirkii nolosha iyo udub dhexaadkii qoyska , hadaba sow ma mudan in maamooyinka loo mahad-celiyo “ Haa” wey mudan tahay .

Imisa jeer ayaad aragtay tabarucaad ama samafal loogu deeqay dadka ku barakacay duleed-ka magaalada Muqdisho oo haweenka ay hormuud ka yihiin ha joogeen dal ama dibad , laguma soo koobi karo qoraal ficilada fiic fiican ee ay qabtaan hooyooyinka soomaaliyeed “Hooyadu waa lama huraan” , si kastaba arrini ha ahaatee waxaa qof kastaba u muuqan kara dadaalka weyn ee ay ka geystaan samafalka iyo dib u dhiska dalka Soomaaliya .

Runtii Haweenka Soomaaliyeed ee qurba jooga ah waa ay isa soo uruursadaan si ay uga dhimriyaan dhibta dalkooda iyo dadkooa heysta , una gurmadaan wixii ay heli karaan, waxayna ka fikiraan sidii allah ugu soo dabaali lahaa dalkooda Soomaaliyeed nabad , horumar iyo dowlad loo dhan yahay .

Inkastoo arrimaha siyaasadda aaney faragelin haweena-ka Soomaaliyeed oo aaney noqon dadkii faraha dhiigga ku yeeshay ayaa waxay noqdeen kuwa u taagan samatabixinta qoysas badan oo ku dhawaaday inay gaajo u dhintaan markii aabayaasha mas’uuliyadda qoyska ka saarnaa ay wada noqdeen kuwa gabay shaqada oo fadhiid ah sababo dagaalada weli ka soconaya dalka Soomaaliya .

Haweenka Soomaaliyeed ayaa xiliga ay ka talo dhiibtaan siyaasadda murugsan ee Soomaaliya aaney dheg jalaq u siin siyaasiyiinta iyo kooxaha dirirsan oo isaga sii mashquula colaada dhexdooda u dhaxeysa.

Qorshaha haweenka ee u damqashada dadka saboolka ah ayaa ah mid aad loo xusi karo oo aaney quluubta dadka Soomaalida ah iloobi doonin.

Ugu dambeyntii marwooyinka soomaaliyeedow dadaalkiina sii wada , allah ha idin abaal gudee , waa sidii hanuuniye ku heesay “maamooy dhib baad iga soo martay , mudankaaga janno mowla haka dhigo” aamin yaa rabi .

Waxaana ku soo gaba-gabeynayaa qormadeyda mahadsanid marwo.

Qormadan waxaa qalinka u qaatay :

Asad Abuukar Cali (Asad Yare)

Email : asadyarencc@hotmail.com

asadyarencc@yahoo.com

Muqdisho-Soomaaliya .



Xafiiska Wararka
www.falaar.com

falaar1@hotmail.com
falaar.com@hotmail.com

© Arrow Online.com 2008 ®