Masuuliyiin Soomaaliya iyo dunidaba caan ka ah oo isku khilaafay waxa laga yeelayo dadka Soomaaliyeed ee baaba . war bixin la xariirta hab dhaqanka Dowladda Liibiya (Faallo)(Riix halkaan)
Kuwa Soomaalinimadii Hawiyinimo ka doortey?!!!.(Riix halkaan)
Shiikh Shariif Shiikh Axmed, hala sugo(Riix halkaan)
58 qof oo Ciidamada Ethiopia ay shalay xasuuqeen(Riix)
Ma`ooyey Markaan Xorownay? (Faallo)(Riix halkaan)
Kuwa Soomaalinimadii Ka Doortay Isaaqnimo(Riix halkaan)
Kooxda Mbagathi & Kadeedka Ummadda(Riix halkaan)
Caruurta laga xado Soomaaliya oo la geeyo Adis(Riix halkaan)
Somaliya Maanta Heerka Ay Taaganthay!!!(Aragti)(Riix halkaan)
kuwee Dooranayaa M Dheere,C/taax (Faallo)(Riix halkaan)
Guud Mar Dagaaladi Sokeeye ee Somaliya.(Aragti)(Riixn)
Mareykanka oo dano gaara ah ka leh Soomaaliya(Riix halkaan)
Goormuu Oday noqday C/llahi bal calaamada Illaahay?(Riix)
Shariifow ama Mudulood ahoow ama Muslim ahoow (Riix)
02/02/2011
kala soo xiriir webmaster@falaar.com

Qeybtii 23-aad Sheekooyinka lagu soo halqabsado ee murti ahaanta loo isticmaalo

Qeybtii 22-aad

Kisi iyo dhaban

.beri baa nin reer miyi ah wuxuu u soo martiyey reer, ninkii reerka lahaa ayaa wuxuuku yiri ninkii martida ahaa waxaan haystaa digaag badan, naagteyda , labo wiil iyo labo gabdhood, markii loo soo dhigay cuntadii ayey fariisteen, waxayna ku yiraahdeen ninkii martida ahaa adiga noo qaybi raashinka, oo ka koobnaa shan xabbo oo digaagad ah, wuxuu yiri ninkii martida ahaa ma kisi baan ku qaybiyaa mise dhaban, waxay ku yiraahdeen kisi ku qaybi, wuxuu yiri adiga iyo xaaskaaga iyo hal digaag waa isku sadex, labada wiil iyo digaagadna waa isku sadex, labada gabdhood iyo digaagadna waa isku sadex, aniga iyo labo digaagna waa isku sadex, haseyeeshee taasi qoyskii raali kama ayan noqonb waxayna ku yiraahdeen hadana waxaad ku qaybisaa dhaban, waa yahay ayuu misana yiri ninkii marida ahaa waxaana la siku soo celiyey digaagii.
Hadana wuxuu bilaabay inuu ku qaybiyo si dhaban ah, wuxuuna yiri "adiga iyo labadaada wiil hal digaag isku afar baa tihiin, Islaantaada, labada digaag iyo hal digaagna waa isku afar, aniga iyo saddexda digaag ee soo haray intuu soo jiitay isku afar baa nahay. Shantii digaag ee qoysku haystay saddex ninkii martida ahaa baa cunay, labana qoyskii baa cunay.

Sheekadiina halkaas ayey ku dhamaatay.


LABA NIN OO WADA SOCDAALAY

Beri baa nin wuxuu u shaqeyn jiray nin, sidaas bayna waayo badan ku wada noolaayeen, Berigii dambe ayey labadoodii wada socdaaleen intay dhex sii socdeen ee ay kolba meel ku nasanayeen ayuu ninkii shaqaalaha ahaa wuxuu ku yiri ninkii madaxdiisa ahaa; "waa laga soo tagay gurigaagii iyo saldhigaagiiba sidaa darteed, hadda waa inaad ii adeegtaa oo aad ii shaqaysaa, wax kasta oo aan u baahanahayna ii keentaa.

Ninkii boqorka ahaan jiray wuxuu ku yiri "Sideen kuugu shaqeeyaa adigaaba ii shaqeyn jiraye qof kasta oo inaga naga mid ahna shaqadiisa wuu yaqaanaaye? Sidaa awgeed soo shaqeynta adigaa iska leh, ee jidkaaga haka leexan, hase yeeshee ninkii kale arrintaa wuu diiday, wuxuuna ku adkaystay inuu u adeego maadaama uu ka xarago iyo adkaysi badan yahay," labadii nin markay aad u murmeen ayaa waxay ku heshiiyeen in dadka ugu horeeya ee ay u tagaan ay u gardhigtaan, sidii bayna yeeleen oo dadkii ugu horeeyey arrinkoodii u sheegteen, dadkii markay dhagaysteen labadoodii gar ayaa waxay ku yiraahdeen annagu si kaloo idinku kala saari karnaa ma jirto, mana garan karno qofkii shaqeyn jiray iyo qofkii loo shaqeyn jiray, sidaa darted laba su'aalood baan idin weydiinaynaa, sidaad uga jawaabtaan baana idiin xukumaynaa.

Waxay ku yiraahdeen "wax macaan maxaa ugu macaan? Wax culusna maxaa ugu culus?"
Jawaabtii waxaa ku hormaray ninkii shaqaalaha ahaan jiray, ee haddana ku doodaya in loo shaqeeyo wuxuuna yiri; "wax macaan waxaa ugu macaan malab, wax culusna waxaa ugu culus ciid"

Ninkii boqorka ahaan jiray ayaa isaguna markiisii jawaabtii qaatay, wuxuuna yiri waxa culus waxaa ugu culus, addimo baahan, waxa macaanna waxaa ugu macaan Candhuuftaada oo caafimaad qabta".

Dadkii meesha joogay ee wax garsoorayey ayaa m,ar keliya intay is eegeen oo hoosta wax isaga sheegeen ayey labadii nin u soo jeesteen, waxayna ku yiryaahdeen ninkii yiri; 'wax culus ciid baa ugu culus, wax macaanna malab baa ugu macaan muuqaal baad ka hadashay, adiga ayaana shaqaale ahaan jiray' ninka yiri 'wax culus waxaa ugu culus addimo baahan, wax macaan waxaa ugu macaan candhuuftaada oo caafimaad qabta' macno ayuu kaga jawaabay, madaxbuuna ahaan jiray.

Sidii lagu kala xukumay ayey labadii nin ku raalli noqdeen.

Qeytbtii 22-aad halkaan ka Aqriso

Lasoco Qeybta Xigta todobaadka Danbe ama Axada Danbe

Fiirio Gaar ah:

Waxaa Qorey Cabdulqaadir Nuur Xuseen (Maax)
Wixii talo ama fikrad ah oo la xiriira Buugyarahan
waxaad igala soo xiriiri kartaan Cinwaankayga ah:
E-Mail: cabdiqadirnur@hotmail.com
Tel:
00 2522-4150 622

Xafiiska Wararka
www.falaar.com

kala soo xiriir
webmaster@falaar.com

falaar1@hotmail.com
falaar.com@hotmail.com

© Arrow Online.com 2008 ® Free counter and web stats